Cebuano news: ACE hospital sa Bayawan mo bukas na

By Leandria Pagunsan

Gipahigayon ang turnover sa bag-ohay lang nahuman nga Allied Care Experts (ACE) Hospital sa Bayawan City, Negros Oriental pinangunahan ni Mayor Henry Pryde Teves ug chairman sa construction ug co-founder sa Allied Care Experts Hospitals nga si Dr. Fernando Carlos.

Gisaksihan ug gitambongan usab kini sa mga department heads ug local doctors, nurses ug ni vice mayor Pempo Martinez sa Bayawan City.

Gilaoman nga buksan ug sugdan ang pag serbisyo sa Bayawan ACE Hospital human sa panahon sa “summer” karong tuiga aron maseguro nga kumpleto ug andam na ang mga gamit ug pasilidad sa maong ospital.

Ang Allied Care Experts Medical Center-Bayawan Incorporated usa ka Public-Private Partnership (PPP) Project sa ACE group of hospitals ug sa lokal nga kagamhanan sa Bayawan City.

Tungod kay nasuta nga limitado ang de kalidad nga” health care services” sa dakbayan, ang ACE Bayawan Hospital natukod pinaagi sa paningkamot sa“visionary leadership sa ACE Group of Hospitals nga si Chairman Amado Manuel Enriquez Jr. ug Bayawan City Mayor Teves.

Ang ACEMC-Bayawan Incorporated usa ka 100-bed capacity secondary level hospital nga mo adunay state-of-the art medical facilities ug equipment, kini gituyo aron nga makahatag sa kayang maabot ug de kalidad nga health care services sa mga Bayawanons ug sa mga silingang 6 ka lungsod nga lambigit ang boundary niini sa Bayawan City.

Ang ospital gakuha sa kuryente pinaagi sa solar panels ug adunay air ambulance alang sa mga pasyente nga kinahanglang dad-on sa laing hospital gawas sa Bayawan City.

Alang sa gitakdang pagbukas sa ACE Bayawan Hospital, mangdawat kini ug mga aplikante alang sa position nga head nurse, medical technologists, nursing aides/midwives, HR staff, accounting staff ug accountants.