Cebuano News: Holidays sa 2021, gipagawas na sa Malakanyang

By PIA – 7

july-281

Gipagawas na sa Malakanyang ang official regular ug special non-working holidays alang sa sunod tuig 2021.

Sa Proclamation No. 986 nga gilagdaan ni Presidente Rodrigo Duterte, nakalatid ang mga regular holidays ug special (non-working) days alang sa tuig 2021.

Apil sa regular holidays ang mosunod: New Year’s Day – Enero 1, Araw Ng Kagitingan – Abril 9, Huwebes Santo – Abril 1, Biyernes Santo – Abril 2, Labor Day – Mayo 1, Independence Day – Hunyo 12, National Heroes Day – Agosto 30, Bonifacio Day – Nobyembre 30, Christmas Day – Disyembre 25 ug Rizal Day – Disyembre 30.

Samtang ang mga special non-working days mao ang: Chinese New Year – Pebrero 12, Edsa People Power Revolution Anniversary – Pebrero 25, Black Saturday – Abril 3, Ninoy Aquino Day – Agosto 21, All Saints Day – Nobyembre 1, Feast Of The Immaculate Concepcion – Disyembre 8 ug ang Last Day Of The Year – Disyembre 31.

Gidugang usab nga special non-working days ang All Soul’s Day – Nobyembre 2 ug Disyembre 24 – Biyernes.

Samtang nag-depende usab sa lunar calendar ang holiday sa Eidl Fitr ug Eidl Adha diin magpagawas ra og proklamasyon ang Malakanyang nga magdeklarar nga holidays niining mga adlawa.

Cebuano News: Dugang benepisyo alang sa mga medical frontliners, gi-aprobahan ni PRRD

By PIA-7

 

101885082-592909561332905-7123282482735107958-n

Hatagan og dugang nga benepisyo sa gobyerno ang mga medical workers sa nasod.

Kini ang gibutyag ni Presidential Spokesperson Harry Roque diin matud pa nga gi-aprobahan ni Presidente Rodrigo Duterte ang paghatag og risk allowance alang sa private sector healthcare workers nga nag-atiman og mga COVID-19 nga pasyente.

Mokabat sa P10,000 hangtod P15,000 ang dugang nga ihatag sa mga masakit nga healthcare worker.

May igahin usab nga life insurance, free accommodation, free transportation, free ug  frequent testing ang gobyerno alang kanila.

Gawas niini, gi-aprobahan usab sa Presidente ang pagkuha og dugang pang 10,000 ka medical professionals ug paghatag og 20 milyon ka face masks sa mga kabos alang sa pagsunod sa publiko sa minimum health standards.

Sa iyang public address Domingo sa gabii, miingon si Duterte nga kahibalo ang gobyerno sa kakapoy sa mga health workers sa nasud.

Nihangyo ang presidente nga hatagan lamang og igong panahon ang gobyerno aron mahatagan sila sa dugang nga allowance.

Ang rekomendasyon sa mga gabinete isip tubag sa mga kabalaka nga gipabati sa mga medical frontliners niadtong Sabado diin nanawagan kini sa gobyerno nga magpatuman og duha  ka semana nga Enhanced Community Quarantine (ECQ) sa Metro Manila.

Gawas sa panawagan sa pagpatuman og ECQ, nanawagan usab ang mga healthcare professionals sa gobyerno og dugang nga workforce, ang pag-undang na sa over-reliance sa antibody tests nga inaccurate ang resulta ug pagpuno sa kakulang sa mga contact tracing ug quarantine facilities sa nasod.

Cebuano News: Duterte may dugang insentibo sa mga atletang makakuha’g medalya sa SEA Games

By Elvira Bongosia

Gawas sa insentibo nga gitakda sa balaod, mohatag og dugang pahalipay si Pres. Rodrigo Duterte sa mga atletang Pinoy nga makakuha og medalya sa gipahigayon karong 30th Southeast Asian Games dinhi sa nasod.

Matud pa ni Senador Bong Go, kini ang gisaad sa Presidente niadtong nagka-estorya sila niadtong adlaw’ng Miyerkoles.

Apan wala gibutyag ni Go kun pila ang ihatag nga insentibo ni Duterte sa mga atleta.

Matud pa nga gitun-an usab sa Presidente ang paghatag og Order of Lapu-Lapu sa mga modaog nga atleta.

Giingong pang-engganyo kini ni Duterte ug aron mapa-isa pa ang morale sa mga atleta aron maningkamot sa pakigtigi taliwala sa mga kontroberisya nga nagputos karon sa SEA Games.

Ubos sa Republic Act No. 10699, o National Athletes, Coaches and Trainers Benefits and Incentives Act, makadawat og P300,000 ang atletang makakuha og gold medal sa SEA Games, P150,000 sa silver medalist ug P60,000 sa bronze medalist.

Kahinumdoman nga niadtong Oktubre lamang ning tuig sa meet and greet with the President, gihatagan ni Duterte og tag-usa ka milyong piso sila gold medalist Carlos Yulo, Ernest Obiena (pole vault), ug Nesthy Petecio (boxing) samtang ang silver medalist nga si Eumir Marcial (boxing) ug bronze medalist Diaz (weightlifting) nakadawat og tag-P500,000.