Cebuano News: DSWD mopahigayon og “search for Pantawid Pamilyang exemplary child”

By Leandria Pagunsan

Mopahigayon ang buhatan sa Department of Social Welfare and Development (DSWD) sa Negros Oriental sa usa  ka search for “Pantawid Pamilyang Pilipino exemplary child” alang sa tuig 2018.

Matud ni Asela Bella Tse, Provincial Link sa Negros Oriental ipahigayon sa mga hurado ang field validation sa north sub-cluster nga lungsod sa La Libertad, Manjuyod ug Mabinay karon’g Hulyo 18.

Ang field validation sumala ni Tse himoon aron makab-ot ang “quality judging,” sa ipahigayon nga kompetisyon.

Samtang ang field validation sa south sub-cluster nga kalungsuran ipahigayon karong Hulyo 20.

Ang final judging ug scoring gitakda karong July 24 sa dakbayan sa Dumaguete sumala ni Tse.

Advertisements

Cebuano News: Sakop sa SSS nga nabaldado, makadawat og disability benefit

By PIA – 7

SSS disability benefit

Na baldado ba kay naaksidente sa pribado nga gitrabaho-an?

Basta napasakop na sa Social Security System (SSS) ug nakahatag na og bisan usa ka buwan nga hulogan sa wala pa ang aksidente, unya nakabagat og partial o total nga pagka balda, may madawat ka na nga disability benefit.

Subay sa pagpasabot sa World Health Organization (WHO) nga mao usab ang gihimo nga sumbanan sa nasud, ang pagkabaldado, nagpasabut nga usa ka kabilinggan nga magpugong na sa usa ka trabahante sa paghimo sa gimbuhaton nga apil sa mga abilidad nga mahimo sa usa ka normal nga tawo.

Kahinumduman nga human mahimo nga pugos na sa kagamhanan ang pagparehistro sa mga negosyo aron makakuha og business permit og business name, ang tanang trabahante sa mga negosyo nga girehistro, obligado na usab nga ipasakop sa SSS.

Kini aron paghatag og kasegurohan sa mga trabahante sa panahon sa ilang panginahanglan.

Subay sa bag-o nga disability benefit nga gipasubay pa gihapon sa mga patakaran sa WHO, ang bag-ong palisiya sa SSS, nag-ingon nga ang sakop nga nakabutang nag bali og 36 ka binuwan nga hulogan, kon makahibalag og aksidente nga miresulta sa partial o total nga pagkabalda, maabagan na pinaagi sa disability benefit nga lakip nga benepisyo sa pagkasakop niya sa SSS.

Sa mga naaksidente ug nabaldado unya nakabutang na sa 36 ka binuwan nga hulogan, o tulo ka tuig nga butangan, mahimong makadawat sa disability benefit sa SSS sa binuwan nga pension.

Kon ugaling mabalda, unya total na ug dili na makatrabaho og balik, apan kubos pa sa 36 ka binuwan nga hulogan ang nahatag, mahimo nga kobrahon ang iyang benepisyo sa SSS sa kinas-a nga hatag o lump sum nga paagi.

Segun pa usab sa SSS, ang binuwan nga disability pension magdepende sa tuig nga napasakop sa serbisyo. Kini mahimong may madawat nga Php1,000 o 2,400 ug usahay may pakapin pang binuwan nga allowance, segun pa sa SSS.

Tumong sa SSS nga pamaayohon pa ang serbisyo niini nga dili na magpanghadlok sa paghatag og tukmang hinabang ngadto sa mga sakop nga nag-atiman sa ilang binuwan nga hulogan pagseguro sa ilang kaugma-on.

 

Cebuano News: SSS: SSIT alang sa mas sayun na SSS access

By PIA-7

Aron mapadali ang pagamit sa mga accounts, ang mga myembro sa Social Security System (SSS), mahimong nang mogamit sa Self-Service Information Terminal (SSIT), segun pa sa mga tinugyanan sa SSS.

Mahimong gamiton sa mga myembro sa SSS ang SSIT nga nahimutang sa mga SSS branches sa tibouk-nasud, alang sa pagsusi sa mga contributions, loans, benefits ug ID information.

Mamahimo usab gamiton sa mga myembro ang SSIT alang sa mga mosunod nga serbisyo: UMID card activation, salary loan application, maternity notification(para sa mga self-employed ug boluntaryong myembro), SSS Web registration, technical retirement application, Annual Confirmation of Pensioners (ACOP), pag-usab sa contact information (alang sa mga retiree-pensioners), ug alang sa mga dugang pangutana ug komento.

Dugang pa, makasulod sa SSS website ug SSS Citizen’s Charter pinaagi sa maong terminal.

Hinuon, nagkinahanglan og SSS ID o UMID card ug fingerprint matching aron magamit ang SSIT.

Mamahimo usab mag-imprinta og acknowledgement receipts ang mga myembro sa ilang matag transaksyon, pinaagi niini.