Cebuano News: NegOr migahin ug P6-M nga hinabang pinansyal sa mga lugar nga na-igo ug kalamidad

DUMAGUETE CITY (PIA) — Ang Provincial Disaster Risk Reduction & Management Council (PDRRMC) dinhi sa probinsya sa Negros Oriental ang migahin sa kantidad nga P6 milyon isip hinabang pinansyal sa lokal nga buhatan nga na igo sa kalamidad sa Central Visayas.

Ang PDRRMC mipasar ug resolution paghatag ug hinabang pinansyal nga P2M sa Bayawan City, tagsa ka milyon sa Basay, Zamboanguita lakip na ang probinsya sa Bohol ug Cebu.

Ang dakabayan sa Bayawan ang grabe nga naigo sa “flashflood” sulod sa duha ka adlawa gikan niadtong Oktubre 6 hangtud 7.

Sumala pa sa talaan sa PDRRMC pito ka kinabuhi ang nakalas sa maong flashflood didto sa Bayawan ug mikabat sa 3,824 ka pamilya ang apektado.

Laing 29 ka panimalay ang nahiagom sa kadaot ug adunay 1.5 milyon ka pesos ang danyos sa livestock ug poultry.

Kadaot sa dalan, taytayan ug uban pa nga inprastraktura gi bana-bana nga mokabat sa 32M.

Sa lungsod sa Basay niabot sa 2,587 ka panimalay ang apektado, 63 ka balay ang naguba ug 574 ang partially damaged.

Gibana-bana usab nga mokabat sa P215,000 ang kadaot sa livestock ug poultry sa maong lungsod gumikan sa baha ug lain kadaot nga mokabat sa 6milyon sa mga dalan ug taytayan.

Sa laing bahin gikataho nga ubay-ubay na ang nakabsan sa kinabuhi sa nahitabong linog nga may gikusgong 7.2 didto sa probinsya sa Bohol ug Cebu ug gipanglantawan nga mosaka pa kini sa kasamtangan ug sa umalabot pa nga mga adlawa gikan sa pagkahitabo nini sa milabay nga semana.

Ang PDRRMC dinhi sa Negros Oriental ang mi donar ug hinabang pinansyal human mi deklara ug state of calamity ang lima ka lugar nga na igo sa mga kalamidad nga maoy basehanan sa pag pagawas sa maoang pondo.

Ang maong kantidad gikuha gikan sa Quick Response Fund (QRF)

Base sa bag-ong Akta Republika 10121 nga gitawag ug Philippine Disaster Risk Reduction & Management System, 30 porsyento lamang gikan sa calamity fund ang makuha isip QRF o stand-by fund nga magamit para sa relief & recovery program.(LPagunsan/PIA-7/Negros Oriental)
– See more at: http://news.pia.gov.ph/index.php?article=1971382341961#sthash.gAzQgYWd.dpuf

Advertisements