Cebuano News: DepEd: Brigada Eskwela andam na sa pagbukas sa klase

By Leandria Pagunsan

PASIG CITY (PIA)—Ang buhatan sa Department of Education nangandam na sa pagbukas sa klase pinaagi mas halapad nga programa sa  Brigada Eskwela Plus.

Ang Brigada Eskwela Plus gi tumong nga mapadayon ug ilahutay ang mga kalihokan sa mga tunghaan sa tibook tuig sama sa pakigdugtong sa komunidad aron maaghat ang mga estudyante nga mu apil sa school activities ug ma menosan ang “drop-outs.”

Mahimo usab nga mu enroll sa Alternative Learning System (ALS), ug ang pakiglambigit ug pagtinabangay sa komunidad aron mapalambo ang “performance” sa mga estudyante.

Samtang ang mga Brigada Eskwela Hall of Fame Awardees gitahasan nga mu dasig sa mga pilot schools sa pagpatuman sa “innovative and community-led effort “ sa Brigada Eskwela Plus 2017.

Si Education Secretary Leonor Magtolis Briones mipahibalo nga apil sa pagbukas sa Brigada Eskwela ang kampanya batok sa rabies sa mga magtutudlo, estudyante ug mga ginikanan.

Mga health educators ipaubos sa training sa rabies awareness sa dili pa magsugod and Brigada ESkwela.

Basi sa Republic Act No. 9482 ang nailang Anti-Rabies Act of 2007, gitahasan ang DepEd nga i apil sa school health teaching o curriculum ang rabies education program ug ang pagpaambit sa tukma nga  impormasyon kabahin sa responsible pet ownership sa mga estudyante sa elementary ug secondary levels. (lpp/PIA7/Negrod Oriental/This story was originally published at PIA Website on May 16, 2017)

Cebuano News: Kampanya sa libreng dialysis suportado sa kongreso ug PCO

By Leandria Pagunsan

BAGUIO CITY, (PIA)— Ang giduso nga kampanya sa libreng dialysis lanog nga gi suportahan sa mga magbabalaod sa Kongreso ug Senado.

 

Atol sa gihimong session niadtong Mayo 2 si Baguio City Congressman Mark Go mipasar sa House Bill 5503 nga nagmando sa mga national government hospitals sa tanang probinsya o rehiyon nga mobutang ug dialysis center ug mohatag sa libreng panambal ngadto sa mga pobre nga adunay sakit sa kidney.

 

Samtang si Senator Sonny Angara miduso usab sa sama nga Senate Bill 1329 alang sa tanang provincial government hospitals nga mobutang ug libreng dialysis ward para sa mga pobreng katawhan.

 

Gipasar ni Angara ang maong panukala tungod kay nakita sa senador ang mga pobreng katawhang gikan sa probinsya nga naglisod sa bayranan sa pagpatambal ug kanunayng moadto sa mga lungsod ug dakbayan alang sa regular nila nga dialysis.

 

Gitumbok ni Angara ang ka mahinugndanon sa libre nga dialysis gani ang ubang may sakit sa kidney nangamatay na lang tungod ky dili maka sarang sa galastohan sa regular nga pagpa dialysis.

 

Sa sayo pa ang Baguio Correspondents and Broadcasters Club Inc. (BCBC) pinagulohan sa ilang presidente nga si Ramon Dacawi ug sa Philippine Information Agency –Cordillera milusad ug signature drive para sa Kongreso nga mopasar sa balaodnon nga libreng dialysis sa tanang pasyente nga nanginahanglan niini.

 

Mga konsehal sa Baguio City nga si Edgar Avila ug Peter Fianza miduso gilayon ug resolusyon agi ug suporta sa signature drive nga ipadangat sa Kongreso.

 

Bag-ohay lang si Presidential Communications Secretary Marie Banaag namasalig ngadto sa mga BCBC nga ang Duterte administration andam ug taganang mo suporta sa ilang iduso nga balaodnon kay mismo si Presidente Duterte may kahingawa nga motabang sa panginahanglanon sa mga kabus nga katawhan.

 

Gani ang PCO nakigdugtong sa Department of Health ug Philippine Amusement and Gaming Corporation (PAGCOR) sa gikinahanglang pondo.(lpp/PIA7/Negros Oriental/This story was originally published at PIA Website on May 16, 2017)

Cebuano News: Pag-IBIG Fund housing loan mas dali na ang proseso

By Leandria Pagunsan

QUEZON CITY, January 13 (PIA)—Ang proseso sa housing loan application sa Pag-IBIG Fund dali na lang ug ma aprubahan dayon sulod sa 17 ka adlaw gikan sa pag sumiti sa kumpletong requirements, ug ma release sulod sa 3 ka adlaw ang kantidad sa loan human sa himoong post-approval compliance.

Ang Pag-IBIG Fund mipahibalo nga gi himo na lang ug 20 ka adlaw gikan sa 27 ang pag proseso sa housing loans.

Kini nga kalamboan gipatuman subay sa mando sa bag-ong administrasyon nga himoong sayon ug dali ang pag proseso sa mga transaksyon sa gobyerno matud ni Pag-IBIG Fund President and Chief Executive Officer Atty. Darlene Marie B. Berberabe.

Subay niini ang Pag-IBIG Fund mibukas sa End-User Financing (EUF) program nga mopahulam sa kwalipikadong miyembro ngadto na sa kantidad nga PhP 6 million alang sa pag renovate o pagtukod ug bag-ong balay ug laing sistema nga Affordable Housing Program (AHP) alang lamang sa minimum-wage earners.

Matud ni Berberabe ang interest rate gipamub-an sa 5.5% per annum alang EUF ug 4.5% sa AHP. Ang usa ka miyembro mahimo nga mo aplay ug “multiple loans” kung eligible kini.

Ang 5.5% interest rate ipatuman alang sa usa ka tuig nga “repricing period” samtang ang 4.5% sa affordable housing program gi subsidized sa 10 ka tuig.

Ang pag proseso sa insurance claims sa housing loan borrowers nga kaniadto 30 ka adlaw gihimo na lang nga usa ka adlaw.

Pinaagi niining mga bag-ong kalamboan sa housing loan features, nag awhag si Berberabe sa mga Pag-IBIG members nga mopahimulos na karon sa Pag-IBIG housing loans. (lpp/PIA7/Negros Oriental/This article was first posted at PIA Website on Jan. 12, 2017)