Cebuano News: Turista sa Apo Island giawhag pag-amping sa kinaiyahan

By Leandria Pagunsan

Ang Apo Island Protected Landscape and Seascape Protected Area Management Board ubos sa pagdumala sa Department of Environment and Natural Resources (DENR) sa Negros Oriental mi awhag sa mga “tour guides ug mga langyaw nga turista nga ampingan ang kinaiyahan, kabaybayonan ug kadagatan sa maong isla.

Bagohay lang gipahigayon sa DENR ang social marketing meeting uban sa mga stakeholders, Provincial Tourism Office, dive guides ug tour guides sa Apo Island tumong nga makab-ot ang mga pamaagi pag panalipod sa coral reefs, marine turtles ug ang tibook kinaiyahan sa Apo Island.

Atol sa maong tigom pinangulohan ni Theresa Quijano sa DENR, iyang gipasabot nga ang pagka daot sa reefs sa Apo Island gumikan sa mga turista ug pumboats nga motunob ug mosanglad sa mga gasang (corals).

Gibatbat usab ni Quijano nga ang paglabay  sa mga plastics sa dagat ug mga turista nga molangoy ug mohikap sa mga binuhi nga pawikan nakahatag dugang kadaot sa lugar.

Gi klaro sa mga dive guides nga nitambong sa maong tigom, tungod sa “language barrier” ilabi na sa mga langyaw nga Insik (Chinese nationals) ang usa sa mga hinungdan nga maglisod sila pagpasabot sa angayan ug dili angayan nga buhaton sa ilang pagduaw sa isla.

Aron malikay sa kadaot ang Apo island reefs, gihan-ay sa gihimong tigom ang mga pamaagi kon “interventions” sama sa pagbutang ug mga sign boards nga magpahibalo nga “guinadili ang paglabay ug plastic sa dagat, “ginadili ang pagtunob sa mga corals,” ginadili ang paghikap sa pawikan” ug magbutang ug photo booth nga barogan sa mga turista ang: “I will not step on the corals.”

Labi usab nga hatagan ug importansya ang pagbansay sa mga “tour guides” sa ilang katungdanan nga makapasabot sa mga dayong turista sa “rules and regulations” sa ilang pag suroy suroy sa isla.

Subay niini  giawhag nga magplano ug ubang kalihokan nga kalingawan sa mga turista sama sa trekking aron dili lamang snorkeling ang ilang kalingawan ug palapdan ang lugar nga makahalubilo sa mga pawikan sa dagat.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s