Cebuano news: Sibulan mopatuman usab sa “discipline zone”

By Leandria Pagunsan

Ang lungsod sa Sibulan, Negros Oriental mopatuman usab sa discipline zone sama sa gihimo sa dakbayan sa Dumaguete aron mahatagan ug sulbad ang problema sa kahuot sa trapiko sa national highway nini padung sa airport, sa Talipapa flea market sa barangay Boloc-Boloc ug sa kadalanan pasulod sa simbahan matag 13 sa bulan.

Namahayag ang mayor sa Sibulan, Jose Abiera nga gusto niyang ipahamtang ang discipline zone sugod sa boundary sa highway gikan sa Dumaguete City ug hangtud sa highway boundary sa lungsod sa San Jose.

Dugang pamahayag sa mayor, nakita niya ang benepisyo ug kaayohan sa gipahamtang nga discipline zone sa Dumaguete sulod sa 2 ngadto sa 3 ka bulan lamang sukad sa pag implementar niini.

Matud usab ni Sibulan Senior Administrative Assistant lll Iris Indira Requiron-Puspus  nga gipahigayon na ang usa ka tigom gilangkoban sa Highway Patrol Group pinangunahan ni PSIns Robelito Mariano ug mga representante gikan sa Department of Public Works and Highways (DPWH), Land Transportation Office (LTO) ug Traffic Management Office (TMO) pinagunahan ni PSInsp Nelson Lamoco.

Si Mayor Abiera mimamndo sa traffic committee pinagulohan ni konsehal Roy Calingacion ug Eddie Gravador nga mohimo sila ug mga kausaban sa kasamtangang traffic ordinance aron mahimong haom ug makatarunganon ang pagpahamtang ug multa sa nga makalapas niini lakip na ang pagpasa sa ordinansa batok jaywalking ug pagpanigarilyo sa mga publikong lugar.

Samtang gihimo ang usa ka semana nga “dry run” sa Boloc-Boloc diin huot ang traffic sa maong lugar ug gipatuman ang no “parking along highway ug sidewalks.”

Agi ug pagpangandam sa himoong discipline zone, namahayag si Mayor Abiera nga kinahanglang palapdan ang ang traffic management office nga maoy mopatuman sa maong programa.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

w

Connecting to %s