Cebuano News: ASEAN motabang nga molambo sa gagmay nga negosyante

By Leandria Pagunsan

MANILA (PIA)—Ang nasud sa Pilipinas ubos ni Pangulo Rodrigo Duterte malamposong nangulo sa gipahigayon nga 30th ASEAN summit didto sa Manila sa milabay nga Abril 29.

 

Ang Presidente sa Pilipinas nakigtagbo sa mga lider sa pulo (10) ka nasud sa ASEAN ug nangulo sa mga hilisgutan mahitungod sa kalamboan sa rehiyon ug pakiglambigit sa mga ASEAN Member States (AMS) aron mapalig-on ang maayong relasyon tali sa maong mga nasud.

 

Bahin sa ekonomikanhong kalihokan ang ASEAN kinahanglang mopatugbaw sa micro, small and medium enterprises (MSMEs) pinaagi sa pagsinabtanay ug tinabangay alang sa malamboong ekonomiya ilabi na sa hugpong sa katawhan nga kabus, matud ni Pangulong Duterte.

 

Gipalanog usab sa Presidente ang  sektor sa MSME nga maoy mopa angat sa ekonomiya sa rehiyon pinaagi sa pakiglambigit tumong sa “people-oriented, people-centered ASEAN.”

 

Si Pangulong Duterte ug Indonesian President Joko Widodo milusad bag-ohay lang  sa ASEAN Roll-on Roll-off (RORO) subay sa Davao-General Santos-Bitung route nga maghatag ug kahigayonan sa mga Pilipinong negosyante ilabi na ang gikan sa Mindanao ug Palawan nga madala ang ilang produkto nga baligya sa Bitung ug ubang dapit sa Indonesia.

 

Mga produkto gikan sa Pilipinas nga mahimong ipaabot sa Indonesia mao ang animal feeds, aqua products, charcoal, coffee, beans, construction materials, copra, feed ingredients, fertilizers, food and beverages, fresh fruits, ice cream products, meats, peanuts, poultry (halal), soya, sugar ug synthetics.

 

Ang “sub-regional cooperation” gituohang mohatud ug modani pa ug dugang negosyo nga makatabang ug mopalambo sa kinabuhi sa mga katawhan. (lpp/PIA7/Negros Oriental/This article was originally published at PIA Website on May 7, 2017)

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s