Cebuano News: “Sports tourism forum” ipahigayon sa Dumaguete City

By Leandria Pagunsan

kapihan-sa-pia-3
Heads of sports associations, sports coordinators and members of the local media participate in the Kapihan

NEGROS ORIENTAL (PIA)—Gitakda nga ipahigayon ang “Sports Tourism Forum” sa dakbayan sa Dumaguete karong Pebrero 1, 2017.

Ang sports tourism forum gipangulohan sa Selrahco usa ka non government organization nga gidumala ni Charles Lim.

Atol sa Kapihan sa PIA namahayag si Lim nga ipahigayon ang sports forum aron maila ang dakbayan ug probinsya isip potential sports host venue ug aron maaghat ang mga katawhan, sports enthusiasts, sports organization pagsalmot niini nga kalihokan.

Dili lamang ang pagpahigayon ug mga sports competition ang tumong sa forum lakip na usab ang pagpatugbaw sa mga tourism destination sa Dumaguete City ug probinsya sa Negros Oriental, matud ni Lim ug ilabi na nga mopalambo usab kini sa ekonomiya sa dakbayan.

Giawhag usab ni Lim ang mga local government units (LGUs), lokal ug nasyonal nga sports association, mga pribadong sektor pagtambong aron masayran nila unsay pamaagi ug pagpangandam kung mopahigayon kon mo “host” ug sports competition.

Sa laing bahin si Dumaguete City mayor Antonio Felipe Remollo namahayag atol sa maong forum nga ipahigayon sa dakbayan ang little league competition sa Abril ning tuiga. Subay niini giawhag sa mayor ang  kabataan nga nag edad ug dili mulapaw sa 12 anyos pagsalmot sa himoong little league ilabi na sa iyang paboritong dula nga baseball.

Gipanglantawan usab sa  mayor ang “ownership of events” alang sa dakbayan sa Dumaguete sa bisan unsang klase sa sport events sama sa baseball, beach volleyball, dragon boat, marathon swimming ug marathon cycling.  Pinaagi niini makadani ug maka imbitar ang dakbayan ug mga national ug international competition.

Dugang sa mayor nga adunay kapasidad ang dakbayan nga mo host ug mga sport events tungod kay adunay nay ubay-ubay nga mga hotels, maayo nga kahimtang sa peace and order, limpyo nga palibot ug ma abi abihon nga katawhan.

Bintaha usab ang dakbayan sa mga dumuduong nga bisita matud ni Remollo gani gibansagan kini nga “gateway to tourism attraction “ tungod kay mas duol ang Dumaguete nagdto sa Oslob, Cebu, Apo Island, Sumilon Island ug Siquijor nga kanunayng gibisita sa mga nasyonal ug langyaw nga turista.(lpp/PIA7/Negros Oriental/This article was first published at PIA Website on Jan. 12, 2016)

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s