Cebuano News: NEDA: Ekonomiya sa NegOr malambo-on

By Leandria Pagunsan

NEGROS ORIENTAL (PIA)—Gipanglantawan sa National Economic Development Authority (NEDA) Regional Director sa Negros Island Region (NIR) ug rehiyon 7 Efren Carreon ang pag-usbaw sa ekonomiya sa dakbayan sa Dumaguete ug probinsya sa Negros Oriental.

Matud ni Carreon nga nasinati ang pag-usbaw sa ekonomiya tungod sa nagkadaghang turista nga midu-aw, kini napamatud-an sa pagsaka sa 20%  nga tourist arrival sa tuig 2015 kumpara sa 10% sa tuig 2014.

Makita na ang kausaban sa dakbayan sa Dumaguete kay daghan na ang gitukod nga  buildings,  hotels ug resorts ug pagbukas ug Information Technology-Business Process Outsourcing (IT-BPO) nga naghatag ug  trabaho sa mga katawhan.

Gipahibalo sa NEDA nga ika 93 sa top 100 nga “work destination” sa tibook kalibutan ang dakbayan sa Dumaguete tungod sa pagbukas ug daghang IT-BPO.

Dili lamang ang pagdagsa sa turista ang nakapalambo sa dakbayan ug probinsya lakip na ang pagbobo ug puhunan sa mga negosyante nga mibukas ug negosyo.

Bisan pa sa malamboon nga kahimtang sa ekonomiya sa probinsya nabalaka si Carreon nga mapakgang kini kung mosaka ang suholan sa mga trabahante gani nasayran nga ang nagkadaiyang grupo sa mga trabahante nangayo ug usbaw sa inadlaw nga sweldo gikan sa kinaubsan nga 101ngadto sa 161.

Ang minimum nga inadlawng  suholan anaa na karon sa P471 gikan P310.

Hinoon ang NEDA, Department of Trade and Industry (DTI) ug Department of Labor and Employment (DOLE) ang nag presentar sa habig sa gobyerno sa Regional Tripartite Wages and Productivity Board uban sa sektor sa mga mamumu-o ug mga agalon.

Gilaoman nga modagsa pa ang mga turista karong tuiga tungod kay naila ang dakbayan isip “window city” diin ang mga turista anhi mo-agi kung modu-aw sila sa Apo Island, whale watching sa Oslob, Cebu lakip na ang mga gikan sa Siquijor ug Bohol gawas niini naila usab nga usa sa mga best “retirement destination” ang dakbayan sa Dumaguete. (lpp/PIA7/Negros Oriental/This article was first published at PIA Website on Jan. 12, 2017))

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s