Cebuano News: Mga OFWs sa Saudi nakadawat ug hinabang

By Leandria Pagunsan

MANILA (PIA)—Gi bana bana nga sobra sa 10,000 ka overseas Filipino workers sa Saudi Arabia nga nawad-an ug trabaho tungod sa crisis sa lana ang nahatagan ug Relief Assistance Program (RAP)gikan sa gobyerno.

Ang RAP ka usa lamang ihatag isip hinabang pinansyal sa mga apektadong OFWs nga tua sa KSA lakip na na mga nauli sa Pilipinas nga wala makadawat sa ilang “end-of-service” nga suholan gikan sa ilang agalon.

Matud pa  ni Labor Secretary Silvestre Bello lll nga adunay gidaghanong 10,501 ka “displaced OFWs” base sa talaan sa International Labor Affairs ang natabangan sa RAP samtang 18,626 usab ka OFWs nga gipa pauli sa PIlipinas ang nakahimulos sa RAP disbsursement pinaagi sa rehiyonal nga buhatan sa Overseas Workers Welfare Administration.

Sa kinatibuk-an aduna nay P469,888,031nga  disbursements ang nahatag “on-site” sa KSA ug dinhi sa Pilipinas, sumala ni Bello.

Dugang pahibalo ni Bello nga ang gidaghanong OFWs nga natabangan gikan sa dagkong dakbayan sa KSA sama sa Jeddah adunay 4,938 ka displaced OFWs, Riyadh, 4,334 ug al Khobar nga may 1,229 ka trabahante.

Matud pa nga mga displaced workers nakadawat ug hinabang pinansyal nga tag P26,000 kada usa, diin ang kantidad nga P20,000 gihatag sa apektadong OFW ug ang P6,000 gihatag sa ilang mga pamilya dinhi sa Pilipinas.

Ang mga kompanya nga gitrabahoan sa  mga  displaced OFWs mao ang Mohammad Al Mojil Group (MMG), Saudi Bin Ladin, Saudi Oger, FAWZI, Arabtech, MHM ug Bros, Rakan Trading, ETE Company, SAAD, Alumco ug SRACO.

Sukad niadtong Disyembre 7,  mikabat sa 3,776 na ka OFWs gikan sa KSA ang naka uli sa Pilipinas pinaagi sa tabang sa Philippine Overseas Labor Offices (POLOs) sa Riyadh, Jeddah, ug Al Khobar inabagan sa ubang ahensya sa kagamhanang naysonal.

Ang mga ahensya sa gobyerno nga nalimbigit sa “repatriation mission” mao ang Department of Foreign Affairs  (DFA), Department of Social Welfare and Development (DSWD), Department of Health (DOH), Technical Education and Skills Development Authority (TESDA) ug Public Attorney’s Office. (lpp/PIA7/Negros Oriental/This article was first published at PIA Website on Dec. 23, 2016)

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s