By Leandria Pagunsan
MANILA (PIA)—Malamposon ang programa sa gobyerno pag wagtang sa “endo” ug illegal contractualization, matud ni Labor Secretary Silvestre H. Bello lll.
Dugang ni Bello nga 32,437 ka trabahante ang nahatagan ug seguridad human sila gi himong regular sa ilang mga agalon.
28,772 iini ang nahimong regular human sa gihimong 186 ka konsultasyon ug tigom nga gipahigayon sa gidaghanong 9,100 ka kompanya.
3,665 usab ka trabahante ang na regular sa gihimong inspeksyon sa DOLE regional offices sa 17,147 ka kompanya ug contractors.
Lakip sa mga kompanya nga misaad sa mga trabahante nga mahimong regular ang “mall giant SM” nga adunay 4,796 ka trabahante ug mga convenience store chain 7-11 nga adunay 800 ka trabahante, ug ang Rustan’s nga dunay 1,200 ka trabahante.
Bisan pa sa direktiba sa DOLE Regional Offices pag suspenso sa mga Certificates of Registration sa wala motuman sa law of security of tenure, namasalig si Bello nga ipadayon sa gobyerno ang gubat batok sa tanang klase sa “illegal forms of contracting arrangements” nga maoy hinungdan nga mawad-an ug trabaho ang kadaghanan.
Namahayag si Bello nga adunay 1,123 ka tawo ang nawad-an ug trabaho sa usa ka mining industry apan nahatagan ug P3,200,550 nga “ emergency employment” gikan sa Tulong Panghanapbuhay sa Ating Disadvantaged/Displaced Workers (TUPAD) ubos sa DOLE.
Temporaryo lamang kini matud ni Bello alang sa mga nawad-an ug trabaho. Tungod sa kampanya nila sa “endo” muhatag ang gobyerno ug dugang livelihood ug skills training para sa mga “displaced workers.” (lpp/PIA7/Negros Oriental/This article was first published at PIA Website on Dec. 22, 2016)
PIA- NegOr Infocen Blog 