Cebuano News: Pamilya sa nawad-an ug trabaho nga OFWs tabangan sa DOLE

By Leandria Pagunsan

MANILA (PIA)—Namahayag si Labor and Employment Secretary Silvestre Bello lll nga makig-alayon ang ilang buhatan sa ubang ahensya sa gobyerno aron matabangan ang pamilya sa mga OFWs nga nawad-an ug trabaho sa Middle East tungod sa nahitabong oil price crisis.

Tungod sa pagkunhod sa presyo sa lana sa Gulf States apektado ang  mga construction companies nga gitrabahoan sa mga Pilipino nga maoy hinungdan sa nasinati karon nga kalisod sa ilang pamilya dinhi sa nasud.

Matud ni Bello ang mga Pilipino nga OFWs  mihangyo ug tabang sa Commission on Higher Education(CHED) ug Department of Social Welfare and Development (DSWD) pinaagi sa buhatan sa DOLE.

Miingon si Bello kasamtangan nga nabalda ang pagtungha sa mga anak sa OFWs nga nawad-an ug trabaho sa Riyadh ug Jeddah samtang nagpaabot sila sa separation pay ug uban nga benepisyo nga ilang madawat.

Ang DOLE pinaagi sa Overseas Workers Welfare Administration (OWWA) mihangyo sa CHED nga hatagan ang mga anak sa displaced OFWs ug educational assistance ug scholarship sa mga state universities aron padayon ang ilang pag eskwela.

Gihangyo usab ni Bello ang DSWD nga ipahiluna ang mga asawa ug dependents sa OFWs sa ilang Cash for Work Program.

Ang programa sa gobyerno nga Cash For Work Program mutabang paghatag ug dinaliang trabaho sa mga nawad-an ug panginabuhi pinaagi sa risk reduction projects sa ilang mga komunidad. (lpp/PIA-7/Negros Oriental/This article was originally published at PIA Website on Aug. 3, 2016)

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s