Cebuano News: Tulo ka lungsod sa NegOr nahatagan ug proyekto gikan sa Kalahi-CIDSS sa DSWD

By Leandria Pagunsan

NEGROS ORIENTAL (PIA)—Tulo sa 716 ka proyekto sa Millenium Challenge Corporation (MCC) sa Rehiyon 7 ubos sa  (Kapit-Bisig laban sa Kahirapan) –Comprehensive Delivery of Social Services (Kalahi-CIDSS) program sa DSWD ang malaposong natukod sa Manjuyod, Jimalalud ug Pamplona, Negros Oriental.

Ang barangay Kauswagan sa Manjuyod nahatagan ug Level ll Ram Pump Driven Water System, Day Care Center sa barangay Balaas, Jimalalud ug 100 LM cable footbridge sa lungsod sa Pamplona.

Ang MCC gi implementar ubos sa Kalahi-CIDSS ug may total grant nga mokabat sa Php 641, 237,493.50 alang sa 716 ka community sub-project.  Kini nga kantidad nakatabang sa 716 ka community sub-projects sa 25 ka munisipyo sa Bohol, Siquijor ug Negros Oriental.

Ang mga sub-projects naglakip sa day care centers, school buildings, water systems, drainage facilities ug basic access facilities sama sa farm to market roads, footpaths ug foot bridges.

Ang sub-projects kon community projects nga gipaagi sa proseso sa Kalahi-CIDSS gi desenyo, gi implementar ug gi mentenar sa nagkahi-usang komunidad sa usa ka barangay aron pagtubag sa mga nag-unang panginahanglanon ug sa mga naila nga numero unong problema sa ilang barangay atol sa gihimong Participatory Situation Analysis kon PSA.

Ang Millenuim Challenge Account-Philippines maoy mo dumala sa pagpatuman sa gihatag nga pondo sa gobyerno sa Pilipinas gikan sa Millenium Challenge Corporation.

Ang MCC usa ka independent US Foreign Aid Agency nga motabang sa pagpakigbisog aron batokan ang kakabus pinaagi sa paghatag ug mga proyektong makatabang pagpalambo sa panginabuhi sa katawhan.

Samtang ang Community-Driven Development naghatag ug kagahum sa mga ordinaryong katawhan sa komunidad pinaagi sa paghatag ug higayon nga makapadayag sa ilang tagsa-tagsa ka opinyon ug maka implementar sa mga proyektong makatabang sa ilang mga panginahanglanon. (lpp/PIA7/Negros Oriental with reports from Venice Polancos of DSWD/This article was first published at PIA Website on Feb. 29, 2016)

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s