Cebuano News: Pebrero 15 ang katapusang adlaw pagdawat sa SHS Voucher Program sa DepEd

By Leandria Pagunsan

MANILA (PIA) — Pahibalo gikan sa Department of Education (DepEd) sa mga estudyanteng makalampos sa Grade 10 ug gustong mopadayon sa Senior High School (SHS), ang katapusang adlaw pag pangdawat ug application sa Senior High School (SHS) Voucher Program kutob lamang sa Pebrero 15, 2016.

Ang gobyerno mohatag ug subsidy sa SHS program pinaagi sa paghatag ug diskwento sa school fees kung ang estudyante mopadayon sa SHS education sa mga private schools, local universities & colleges, state universities & colleges ug technical ug  vocational schools.

Namahayag si DepEd secretary Br. Armin Luisitro nga ang subsidy gikan sa gobyerno gihimo aron dili maglisod ang mga ginikanan sa gastohanan sa anak nila nga mopadayon ug tungha sa SHS.

Ang mga estudyante nga dili Education Service Contracting (ESC) grantees gikan sa private Junior High School (JHS) mahimong mo aplay sa voucher program base sa ilang “socioeconomic status”.  Kung kwalipikado, 80% sa kantidad sa voucher ang madawat nila.

Ang Voucher Program Beneficiary (VPB) nga ma enroll sa private SHS makahimulos sa SHS voucher program sulod sa duha ka tuig lamang. Kung ang estudyante dili makalampos sa duha ka tuig, dili na muhatag ang gobyerno ug laing SHS voucher subsidy.

Ang voucher valid nga makuha sa unang semester human ma kumpleto sa estudyante ang JHS ug ihatag kada semester ngadto sa tunghaan diin nagtungha ang VPB.

Ang pag implementar sa SHS sugod SY 2016-2017 ang mo kumpleto sa ang-ang sa K to 12 curriculum gikan sa kinder hangtud sa Grade 12.  Base sa abilidad sa estudyante nga mopadayon sa SHS mo pili kini sa upat ka major strands nga academic, technical-vocational livelihood, sports ug arts and design.

Ma isip nga beneficiaries na sa voucher program ang estudyante nga makatapos sa Grade 10 gikan sa public schools ug ang mga ESC grantees.

Kung kwalipikado sila nining duha ka kategorya dili na kinahanglan nga mu aplay sa voucher program tungod ky automatic sila nga beneficiaries. (lpp/PIA7/Negros Oriental/This article was first published at PIA website on Feb. 9, 2016)

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s