Cebuano News: NegOr Pantawid Pamilya malamposong milusad ug negosyo

By Leandria Pagunsan

MANILA (PIA)—Mokabat sa 60 ka inahan nga miyembro sa Pantawid Pamilyang Pilipino Program gikan sa Vallehermoso, Negros Oriental malamposon nga milusad ug meat processing business.

Pinaagi sa programa sa Department of Social Welfare and Development (DSWD) nga Sustainable Livelihood Program (SLP) ang grupo sa mga inahan miagi sa usa ka skills training ug pahulam nga P600,000 isip seed capital sa ilang meat processing business.

Gitawag ug Sustainable Livelhood (SL) Vallehermoso, ang grupo nag suplay ug karne sa Supplementary Feeding Program (SFP) sa mga day care centers sa ilang lungsod.

Ang pundok sa SL Vallehermoso nagsugod sa pagsalmot sa bidding nga mo suplay ug karne  sa Supplementary Feeding Program.

Midaug sa bidding ang grupo ug mi mugna kini ug mga komitiba nga  modala sa stocking, purchasing, repacking, packaging, labeling ug delivery.

Sa demand nga karne alang sa supplemental feeding program, ang grupo nag suplay ug 350 kilos nga karneng manok ug laing 275 kilos nga karneng baboy matag semana.

Pinaagi sa eleksyon nagpili ang grupo ug mga opisyal nga modala sa ilang micro-enterpise ug sa tabang ni Mayor Joniper Villegas nakatukod sila ug opisina sa merkado sa Vallehermoso.

Matud ni Susana Yee, president sa SL Vallehermoso, kasamtangan ang organisasyon adunay kita nga P12,000 matag semana.  Dugang ni Yee, daku kaayo kini ug tabang sa ilang pamilya ilabi na sa pag pa eskwela sa ilang mga anak.

Gawas sa meat processing ang organisasyon kasamtangan nga mipalapad ug laing negosyo nga cassava production ug money lending.  Mibukas usab sila ug usa ka sari-sari store.

Sa paglambo sa negosyo, mga ka babayen-an ug inahan nga dili miyembro sa Pantawid Pamilya dugang nga gikuha aron makatabang sa meat production processing ug sa uban pa nga livelihood projects sa SL Vallehermoso.

Matud ni Soliman ang pag uswag sa kinabuhi sa mga beneficiaries sa Pantawid Pamilya nagpaila  nga matinud-anon ang gobyerno pag implementar ug mga programa alang sa kabus.

Nasinati na sa mga katawhan ang benepisyo sa Pantawid Pamilya, SLP ug uban pang programa. Padayon kini nga himoon sa gobyerno aron padayon usab nga molambo ang kinabuhi sa kabus nga katawhan, panapos ni Soliman. (lpp/PIA7/Negros Oriental/This article was first published at PIA website on Oct. 13, 2015)

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s