Cebuano News: Household service workers sa Hongkong hatagan ug usbaw sa sweldo

By Leandria Pagunsan

MANILA (PIA)—Si Labor and Employment secretary Rosalinda Dimapiliz-Baldoz nahimuot sa gobyerno sa Hongkong sa gihimong paghatag ug usbaw sa minimum allowable wage (MAW) ug food allowance sa mga langyaw nga household service workers sa Hongkong.

Sugod Oktubre 1, 2015 ang MAW dili na mo menos sa kantidad nga HK$4,21 diin mitaas ug 2.4% gikan sa kantidad  nga  $4.110 matag bulan.

Matud pa ni Nena G. German, Assistant Labor Attache of the Philippine Overseas Labor Office sa Hongkong Labour Department ang usbaw sa suholan gipahibalo niadtong Setyembre 30 atol sa gihimong tigom sa mga opisyal sa Consulate Generals gikan sa India, Indonesia, Nepal, Pilipinas, Sri Lanka ug Thailand.

Ang kasamtangang MAW nga HK$4,110.00 ug food allowance nga HK$964.00 ipatuman gihapon kung ang kontrata niini napirmahan sa wala pay Setyembre 30, 2015 ug na proseso sa Philippine Consulate adtong Oktubre 19, 2015, pahibalo ni Assistant Labor Attache German.

Ang bag-o nga taripa sa MAW ug food allowance ipatuman sa mga langyaw nga household service workers nga naka pirma ug kontrata on or after October 1, 2015.

Matud pa sa spokesperson sa Hong Kong government nga base sa ilang naandan, kanunay nga gi review sa gobyerno ang MAW sa mga HSWs ilabi na karong tuiga. IIang gi base sa kinatibuk-ang kahimtang sa ekonomiya ug labor market  nga gitawag ug “basket of economic indicatrors” aron ma kumpara nila sa milabay nga tuig.

Ang MAW ug food allowance gipatuman sa gobyerno aron ma protektahan ang mga langyaw nga HSWs gikan sa mga agalon nga mohatag ra ug gagmay nga sweldo.  Base sa bag-o nga taripa, ang mga agalon mahimo usab nga mohatag ug mas taas pa sa MAW ug food allowance depende sa ilang kahimtang. (mbcn/lpp/PIA7/Negros Oriental/This article was first published at PIA website on Oct. 8, 2015)

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s