Cebuano News: PNoy mimando sa national agencies magtinabangay sa himoong “transition” sa Negros Island Region

By Leandria Pagunsan

MALACAÑANG (PIA) — Si Presidente Benigno Aquino lll mipagawas ug kamandoan sa tanang nangulo sa kagamhanang nasyonal lakip na ang mga government-owned-or-controlled corporations nga magtinabangay sa himoong “transition” sa Negros Island Region (NIR).

Ang kamandoan pinasikad sa Memorandum Circular No. 81 nga gilagadaan ni Executive Secretary Paquito Ochoa, Jr. niadtong Agosto 6.

Mahinumduman nga si Presidente Aquino milagda sa Executive Order No. 183 adtong Mayo 29 nga hugpongon ang duha ka probinsya nga Negros Oriental ug Negros Occidental ngadto sa usa ka rehiyon, ang Negros Island Region.

Ang executive order gilangkoban sa mga representante gikan sa Office of the President, Department of Budget and Management (DBM) National Economic and Development Authority, Department of Interior and Local Government ug mga representante gikan sa duha ka probinsya isip miyembro sa Negros Island Region-Technical Working Group (NIR-TWG)

Lakip sa tahas sa NIR-TWG ang pag plano ug pagpahilulna sa organizational development, staffing ug budgeting sa himoon nga regional line and regulatory agencies.

Ang Memorandum Circular 81 nagmando nga ang tanang nangulo sa ahensyang nasyonal magtinabangay ug suportahan ang hapsay nga “transition” sa NIR base sa mosunod nga rules and regulations:

a. Himoon ang pasi-unang pamaagi sa pagbalhin lakip na ang pagpili ug Interim Regional Directors kutob sa Oktubre 1, 2015;

b. kumpletohon ang “transition measures” kutob sa Enero 1, 2016 nga mao usab ang adlaw nga  gitakdang pagbukas sa NIR;

c. Magtukod ug mga Regional Offices (ROs) lakip na ang mga attached agencies sa Dumaguete City ug Bacolod City base sa guidelines sa DBM hangtud nga ma kumpleto na ang pagtukod sa mga Regional Centers.

d. Ipahiluna usab ang pagbalhin sa mga data ug assets sa Negros Occidental gikan sa rehiyon 6 ug Negros Oriental gikan sa rehiyon 7 ngadto na sa bag-ong NIR.

Sumala sa Malacañang, kini nga memorandum circular ipatuman gilayon. (lpp/PIA7/Negros Oriental/This article was first published at PIA website on Aug. 13, 2015)

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s