Cebuano News: Palasyo nagdto sa China, tahoron ang gilagdaang “conduct of parties”

By Leandria Pagunsan

MANILA (PIA)—Human namahayag ang Beijing nga na tapos na nila ang gipahigayong land reclamation sa South China Sea, ang Palasyo mipahimangno niadtong Huwebes nga kinahanglang tahoron sa  China ang gilagdaan niini nga “Conduct of Parties” sa tuig 2002.

Si Communications Secretary Herminio Coloma namahayag nga bisag unsa pa ang gibuhiang pulong sa nasud sa China, kinahanglang nga barogan nila ang gipirmahan nga kasabutan tali sa mga miyembro sa ASEAN (Association of Southeast Asian Nations) nga respetohon ang kasamtagang sitwasyon ug dili hilabtan ang kinaiyahan sa South China Sea.

Si China Foreign Ministry spokeswoman Hua Chunying mi anunsyo nga na kumpleto ug natapos na nila ang gihimo nilang land reclamation projects sa ubang isla ug kagaangan sulod sa South China Sea.

Agi ug tubag sa maong pahibalo, namahayag si Coloma nga ang gihimo nila tataw kaayo nga usa ka paglapas sa kaugalingon nilang deklarasyon.

Base sa napatik sa Paragraph 5 sa 2002 ASEAN-China Declaration on the Conduct of Parties in the South China Sea nag ingon kini: “The parties undertake to exercise self-restraint in the conduct of activities that would complicate or escalate disputes and affect peace and stability including, among others, refraining from action of inhabiting on the presently uninhabited islands, reefs, cays, and other features and to handle their differences in a constructive manner.”

Ang deklarasyon sa habig sa Republic of China gilagdaan ni kanhi-ay Special Envoy and Vice-Minister of Foreign Affairs Wang Yi.

Tungod sa maong kasabautan angayan lamang nga ipakita sa duha ka nasud ang patas ug tinud-anay nga pagtahod pinaagi sa malinawon ug diplomatikanhong pamaagi ang paghatag ug solusyon sa panagbingkil sa South China Sea, gani gipungngan sa Pilipinas ang pagpahigayon ug mga kalihokan ug pagpalambo sa airstrip sa Pagasa Island aron ipakita nga gituman sa Pilipinas ang gilagdaan niini nga deklarasyon, matud ni Coloma.

Dugang pamahayag ni Coloma nga ang nakuhang suporta sa Pilipinas gikan sa international community nagpasabot lamang nga nasubay sa gikasabutang deklarasyon ang paghatag ug kasulbaran sa kasamtangang panagbingkil sa China ug Pilipinas diha sa South China Sea. (mbcn/lpp/PIA7/Negros Oriental/This article was first published at PIA Website on July 4, 2015)

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s