Cebuano News: Presidente Aquino ug Japan Prime Minister Abe mohisgot sa isyu sa South China Sea sa gitakda niini nga paghibalag

By Leandria Pagunsan

TOKYO, JAPAN (PIA) — Sa paghibalag unya ni Presidente Aquino ug Japanese Prime Minister Shinzo Abe, gilaoman nga mo sentro ang ilang diskusyon mahitungod sa South China Sea ug uban nga hilisgotang bilateral issues, matud ni Philippine ambassador to Japan Manuel Lopez.

Si Presidente Aquino mo abot sa Tokyo, Japan sa Martes alang sa  gitakdang upat ka adlaw nga state visit.

Una ug pinaka importante ang mahitungod sa South China Sea tungod kay parehong sensitibo ang maong isyu sa nasud sa Japan ug Pilipinas, pamahayag ni Lopez sa gihimong interbyo sa Radio TV Malacañang (RTVM).

Basi sa pamulong sa Presidente, mapasalamaton siya sa gobyerno sa Japan,sa mga korporasyon ug katawhan niini sa hinabang nga gihatag pinaagi sa Official Development Assistance (ODA) ug sa mga donasyon nila sa nahitabo nga bagyong Yolanda sa tuig 2013.

Gibana-bana matud ni Lopez nga ang nasud sa Japan ang pinkadaku ug tabang, kini tungod sa ilang pagkamatinabangon sa mga biktima sa Yolanda.

Mapasalamaton usab si Presidente Aquino kang Prime Minister Abe tungod kay gihimong sayon na lamang ang pagkuha sa visa requirements sa mga turistang Pilipino nga gustong mobisita sa Japan. Tungod niini, nagkadaghan na ang Pilipinong ni bisita sa Japan.

Dugang pa ni Lopez kasamtangan nga napalig-on ang relasyon sa duha ka nasud tungod sa “good vibes” ni Presidente Aquino ug Prime Minister Abe.

Si Prime Minister Abe sa iyang bahin, namahayag nga sa iyang upat ug tunga sa tuig nga pagpangulo nahimong lig-on ug nagpabilin ang ilang maayong relasyon ug nagtu-o si Abe nga molambo ug molungtad pa kini.

Mipahibalo usab si Lopez nga mapasalamaton ang Pilipinas tungod kay usa si Presidente Aquino sa napiling mopahigayon ug state visit bisan pa sa kadaghang world leaders nga interesadong mo bisita sa maong nasud.

Subay niini gipahibalo nga ang nasud sa Japan modawat lamang ug duha ka bisita sa usa ka tuig. Untop nga panahon ang pagbisita ni Presidente Aquino tungod kay mao kini ang katapusang tuig sa iyang termino isip president sa Pilipinas.

Dakung garbo usab nga usa siya sa giimbitar sama sa iyang inahan nga si kanhi-ay President Cory Aquino nga nahatagan ug opurtunidad sa usa ka state visit sa Japan niadtong tuig1986. (lpp/PIA7/Negros Oriental/This article was first published at PIA Website on June 2, 2015

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s