Cebuano News: CSC nag-awhag sa striktong pagpatuman sa “smoke-free policies”

By Leandria Pagunsan

MANILA (PIA)–Sa gipahigayong kasaulogan sa World No Tobacco Day niadtong Mayo 31, ang Civil Service Commission (CSC) mipahimangno pag-usab sa katawhang trabahante sa nasud nga ginadili ang pagpanigarilyo sulod sa palibot sa mga buhatan sa gobyerno ug gi dili usab ang pakiglambigit sa mga tobacco industry.   Gitumbok ni CSC Commissioner Robert S. Martinez ang CSC Memorandum Circular No. 17 nga gipagawas niadtong Mayo 2009 ang “absolute smoking ban” nga ipahamtang sa tanang buhatan sa gobyerno nga nag hatag ug serbisyo alang sa maayong panglawas, edukasyon ug social welfare and development services sama sa hospitals, health centers, schools and universities. Striktong ginadili ang pagpanigarilyo niining mga lugara.   Sa ubang buhatan sa gobyerno nga wala maghatag ug serbisyo nga nahisgtuan sa unahan, mahimong manigarilyo sa mga lugar nga “designated smoking areas”   Dugang niini ang CSC ug Department of Health’s (DOH) Joint Memorandum Circular (JMC) No. 2010-01 nagdili usab sa mga opisyal ug trabahante sa gobyerno nga makiglambigit sa mga tobacco industry gawas kung gikinahanglan alang sa pagpatuman sa balaod ug sa gikinahanglan nga  supervision and control.   Ang JMC 2010-01 hugot nga ipatuman sa kagamhanan batok sa pakiglambigit sa mga tobacco industry, ilabi na kung makabalda kini sa pagpatuman sa tobacco control measures.   Lakip sa ginadili mao ang paghatag ug preferential treatment sama sa incentives and exemptions sa mga tobacco industry ug ang pagpangayo ug pagdawat ug mga donasyon bugti sa pabor nga makiglambigit sila sa transaksyon sa mga ahensya sa gobyerno.   Dugang ni commissioner Martinez nga ang maayong panglawas sa mga trabahante sa gobyerno ang gipanalipdan sa Commission: “As the central human resource institution of government, the CSC places premuim on health and wellness, primarily of civil servants and of the country’s human capital in general, as we believe that a person’s health directly correlates with his or her productivity,” matud ni Martinez.   Samtang gi respeto usab ang kamatuoran nga dili malikayan ang pagpanigarilyo isip “personal choice” gi awhag gihapon ang mga publikong trabahante paghuna-huna ug mopatigbabaw ang maayong desisyon aron makab-ot ang “healthier lifestyle,” sumala pa ni Martinez. (mbcn/lpp/PIA7/Negros Oriental/This article was first published at PIA website on June 2, 2015)

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s