Cebuano News: PNoy nag-awhag sa mga 4Ps HS graduates pagpalambo sa ilang abilidad

By Leandria Pagunsan

MANILA, Abril 24 (PIA)–Si Presidente Benigno S. Aquino lll miawhag sa unang hugpong sa Pantawid Pamilya program beneficiaries nga mi gradwar sa high school nga ilang tugbangan ug paningkamot ang tabang nga gihatag sa gobyerno aron pinaagi niini mapalambo nila ang ilang panginabuhi.

Atubangan sa gidaghanon nga 10,000 ka benepisaryo sa 4Ps gikan sa National Capital Region, Si Presidente Benigno Aquino lll namulong atol sa gihimong post graduation event didto sa Smart Araneta Coliseum sa Quezon City diin nag awhag siya nga gamiton nila ang kaalam ug abilidad nga nakata-onan aron ila kini nga ika paambit sa ilang isig ka tawo.

Ang gobyerno mi bobo sa kantidad nga P232.2 billion alang sa 4Ps ug kadaghanan sa mga naka benepisyo niini mga kabataan alang sa edukasyon.

Ang programang Pantawid Pamilya gitunol sa gobyerno pagtabang sa mga kabus nga hut-ong sa katilingban alang sa edukasyon ug panginahanglanon alang sa maayong panglawas ilabi na sa mga pamilya nga adunay kabataan nga ga edad ug 0-18 anyos.

Dugang sa Presidente nga gi tutokan sa gobyerno ang pagpalapad sa Pantawid Pamilya aron mas daghan pang kabus nga pamilyang Pilipino ang matabangan ug mahatagan ug maayong panginabuhi.

Gipangulohan sa Department of Social Welfare and Development (DSWD), ang maong kalihokan ga dala sa temang: “Pagtatapos Ninyo, Tagumpay ng Pilipino”, kini gi tumong aron maila ug makita sa publiko ang bunga sa paningkamot sa mga benepisaryo sa 4Ps nga nakalampos sa high school.

Ang DSWD mipahigayon sa pinaka unang post-graduation event didto sa Philippine International Convention Center niadtong Abril 9 nga gitambongan sa 4,000 ka mga estudyante.

Si Labor and Employment Secretary Rosalinda Baldoz, Technical Education and Skills Development Authority Secretary Joel Villanueva ug Commission on Higher Education Chairperson Patricia Licuanan ang mitambong sa maong okasyon aron ipalanog ang ilang tagsa-tagsa ka programa ug serbisyo sa publiko.

Lain nga mitambong sila si Interior and Local Government Secretary Manuel Roxas lll, Education Secretary Armin Luistro ug National Youth Commission Chairman Gio Tiongson. (mbcn/lpp/PIA7-Negros Orienta/This article was first published at PIA Website on April 24, 2015)

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s