Cebuano News: TESDA adunay P65M training fund alang sa IT-BPO industry

By Leandria Pagunsan

MANILA (PIA)–Ang Technical Education and Skills Development Authority (TESDA) migahin ug badget sa himoong training sa mga trabahante sa Information Technology-Business Process Management (IT-BPM).

Ang TESDA mopagawas ug P65 milyon nga  scholarship vouchers alang sa pre-employment training ug retooling sa mga trabahante sa maong industriya pinaagi sa nilagadaan nga  Memorandum of Agreements (MOAs) ni TESDA Director General Joel Villanueva ug sa Healthcare Information Management Association of the Philippines (HIMOAP) ug sa Animation Council of the Philippines (ACPI).

Ang himoong training ipaubos sa TESDA’s Training for Work Scholarship Program (TWSP)

Namahayag si Villanueva usa kini ka maayong oportunidad nga mapalambo pa ug dugang ang IT-BPO industry sa nasud.

Dugang ni Villanueva nga padayon ang paghatag sa TESDA sa de kalidad nga edukasyon ug training aron mahimong hanas ug bansay ang atong kabataan sa maong trabaho.

Base sa duha ka MOA, ang HIMOAP makakuha ug 50 milyon nga scholarship vouchers samtang ang ACPI makakuha ug laing 15 milyon.

Ang kasabutan tali sa HIMOAP mo punting pagbansay sa Medical Transcription Finishing Course NC ll, Medical Transcription NC ll ug Medical Coding and Billing NC ll.

Mi lagda sa duha ka kasabutan sila si Villanueva sa TESDA, Myla Rose Reyes sa HIMOAP ug Juan Miguel del Rosario sa ACPI.

Ang HIMOAP usa ka non-stock ug non-profit organization nga mituboy sa Pilipinas isip usa sa piniling lugar alang sa mga  outsourced healthcare information management services (HIMS).

Ang ACPI sa laing bahin usa ka organisasyon nga gi-ila sa gobyerno sa Pilipinas nga mopalambo ug mapatugbaw sa animation industry sa tibook kalibutan diin ang atong nasud napili nga usa sa makahatag ug maayong serbisyo sa maong industriya.

Ang MOAs gikasabutan aron makiglambigit ang TESDA sa duha ka pundok paghatag ug training sa mga trabahante sa IT-BPM industry. (mbcn/ lpp/PIA7-Negros Oriental/This article was first published at PIA Website on April 14, 2015)


Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s