Cebuano News: BFP giplanohang tukoron pag balik ang barangay fire brigade

By Leandria P. Pagunsan

DUMAGUETE CITY (PIA) –Mga opisyales sa lokal nga Bureau of Fire Protection (BFP) bukas sa plano nga ibalik ang katukoran sa barangay fire brigads aron makatabang pag responde panahon sa sunog. Ang plano nga itukod pagbalik ang barangay fire brigade nahisgutan atol sa gihimong Kapihan sa PIA forum sa milabyang semana. Si Sr. Inspector Allan Patrocinio sa BFP-Negros Oriental miingon nga maayo ang plano pagpabalik sa barangay fire brigade ilabi na kay ang mga tanod mao ang una nga motabang pag responde panahon sa mga katalagman sa ilang mga barangay. Mi uyon si C/Insp Arnulfo Sayson sa DumagueteCity Fire Department gani andam sila nga makiglambigit sa mga barangay pagpahigayon ug mga pulong-pulong ug pag bansay-bansay sa mga tanod aron mahanas sila sa fire fighting. Namahayag si Sayson nga kaniadto aktibo ang barangay fire brigade apan wala mulahutay tungod kay ang mga miyembro nagkanhinay ug ka bungkag. Mentras wala pa ma aktibo pagbalik ang barangay fire brigade, ang BFP adunay programa nga gitawag ug “Ugnayan sa Barangay” nga gitumong  sa kampanya sa fire prevention. Midudgang si Sayson nga ang mga opisyal sa BFP ug ang Dumaguete City Fire Department ga bisita sa mga barangay aron motudlo sa mga residente sa mga angay buhaton aron malikay sa sunog ang ilang mga panimalay. Tungod niini nanghinaut ang mga kadagkoan sa BFP sa suporta sa katawhan ilabi na sa kasaulogan sa Fire Prevention Month karong tibook bulan sa Marso. Si Patrocinio sa laing bahin mipahibalo nga sugod niadtong unang adlaw sa Marso, ang BFP Negros Oriental nakahimo na sa fire safety inspection sa tanang nga edipisyo ug pagpanghatag ug mga balasahon mahitungod sa fire safety, pag inspeksyon sa mga balay patigayon, pag testing sa fire hydrants, fire safety evacuation planning, fire drill, pag ila sa mga lugar nga lagmit masunogan ug pagpahigayon sa refresher/training course alang sa mga barangay tanod. Ipahigayon usab ang “Sayaw Laban sa Sunog” sa Marso 15 ug pagpahigayon ug mga Fire Prevention Games sa regional level gikan sa Marso 17 hangtud sa 31. Himoon usab ang open-house alang sa pre-school nga mga estudyante sa tibook probinsya aron sila mahibalo ug makaila sa mga gamit sulod sa fire station ug ang pagpahigayon ug lecture mahitungod sa fire safety. Matud pa sa BFP Negros Oriental ang probinsya adunay gidaghanon nga16 ka fire stations. Ang kasaulogan karong tuiga sa Fire Prevention gadala sa tema nga “Kaligtasan sa Sunog: Alamin, Gawin at Isabuhay Natin.” Luyo sa maong tema gipakita ang ka importante sa edukasyon aron himoong giya pagtuman saresponsibilidad sa matag adlaw nga pagpanginabuhi aron malikay sa sunog ang atong komunidad. (mbcn/lpp/PIA7-Negros Oriental/This article was first published at PIA Website on Mar. 17, 2015) komunidad. (mbcn/lpp/PIA7-Negros Oriental) – See more at: http://news.pia.gov.ph/article/view/1971426486857/cebuano-news-bfp-giplanohang-tukoron-pag-balik-ang-barangay-fire-brigade#sthash.mknzK9R9.dpuf
Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s