CEBUANO NEWS: DPWH mohimo ug pag susi sa pagdumala sa proyekto sa mga field engineers

MANILA, Marso 5 (PIA) – Ang Department of Public Works and Highways (DPWH) mopahigayon ug proseso pag susi sa trabaho sa mga field engineers nga gitahasan sa mga proyektong imprastraktura sa gobyerno ubos sa pagdumala sa DPWH.

Si DPWH Secretary Rogelio Singson mitahas sa Accreditation Committee for Field Engineers pinangulohan ni Assistant Secretary Gilberto Reyes sa pag evaluate sa mga filed engineers sa DPWH aron masuta kung kinsa niini ang gakinahanglan ug dugang kasinatian sa teknical nga aspeto.

Ang komitiba naglangkob ni Bureau of Construction Director Walter R. Ocampo isip Vice-Chairman ug OIC-Director Medmier Malig sa Bureau of Quality and Safety, Project Director Virgilio Castillo ug District Engineer Ramon P. Devanadera isip mga miyembro nga mo susi base sa approved set of performance criteria nga gamiton sa pag evaluate.

Ang mga DPWH accredited field engineers gikunhoran ug 50% gikan sa gidaghanon nga 4,686 ngadto na sa 2,327 niadtong tumalapos sa tuig 2014. Ang uban niini mi retiro sa serbisyo ug  ang uban ni himulos sa Rationalization Plan.

Ang komitiba nga gilangkob mohimo usab ug pagpili kung kinsa ang angayan nga ibutang sa development systems for new accreditation, selection, ug ang pagpili ug kwalipikadong engineer nga mudala sa mga proyekto.

Sa gidaghanong  2,327 ka field engineers, 749 ang gikinahanglan isip Project Engineer lll, nga tahasan sa mga proyektong  walay limitasyon sa budget, 505 ka laing engineers nga Project Engineer ll ang modumala sa mga proyektong ga kantidad dili mo sobra sa P50 milyon nga badget; 558 ka Project Engineer l alang sa mga proyektong dili mo sobra sa P20 milyon ug laing 459 ka engineers isip Project Inspector l.

Aron maseguro ang de kalidad nga pagtrabaho sa mga proyekto, mga kwalipikado ug mga hanas nga engineers lamang ang hatagan ug Certificate of Accreditation aron mahimo silang mo dumala ug mga proyekto sa gobyerno ubos sa DPWH. (mbcn/lpp/PIA-7/Negros Oriental/This article was originally published at PIA Website on Mar. 5, 2014)

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s