Cebuano News: Dugang bayani kinahanglan alang sa nasudnong kalamboan matud ni Monsod

By Leandria Pagunsan

DUMAGUETE CITY (PIA) – Si Solita Monsod usa ka inilang newspaper columnist ug economics professor namahayag nga ang nasud sa pagkakaron nagkinahanglan ug mga bayani nga magpakabana ug mohimo sa mga pamaagi alang sa tinud-anay nga kausaban sa ekonomikanhon ug politikanhong problema sa atong nasud .

Mao kini ang gipaambit ni Monsod isip mamumulong sa gihimong forum nga gipasiugdahan sa Silliman University inabagan sa Philippine Daily Inquirer alang sa mga estudyante sa College of Mass Communication didto sa audio visual theater sa unibersidad bag-ohay lang.

Dugang ni Monsod nga ang atong nasud karon gakinahanglan sa mga ordinaryong katawhan apan adunay tinud-anay nga pagpakabana ug pagmalasakit aron makab-ot nato ang tinud-anay nga kauswagan.

Gipasabot ni Monsod nga ang dautang panghitabo sa atong palibot ug katilingban magpadayon kung ang katawhan walay pagpakabana ug dili maghinakitan sa pagsulbad nini.

Si Monsod miawhag sa mga kabataan nga magmaalamon ug kinahanglan nga sensitibo sa panginahanglanon ug sitwasyon sa ubang katawhan aron masabtan nila ang tinud-anay nga solusyon sa problema.

Gipasabot ni Monsod nga ang corruption usa ka dautang ehemplo nga pagpangawkaw alang sa kaugalingon nga katagbawan, sa pamilya ug sa mga suod nga higala, ug dili mapakgang mao kini ang maka unlod sa nasud.

Aron masulbad ang kasamok sa ekonomikanhon ug politikanhong kahimtang, nagkinahanglan ang nasud ug mga bayani nga tinud-anayng mo silbi aron mo uswag ang nasud. (mbcn/lpp/PIA-7/NegOr/This article was first published at PIA website on Feb. 23,2015)

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s