Cebuano News: DSWD mipahigayon ug media briefing sa ilang mga programa alang sa mga kabus.6QadCm.dpuf

BY Leandria Pagunsan

DUMAGUETE CITY (PIA) — Ang buhatan sa Department of Social Welfare & Development (DSWD) sa rehiyon 7 mipahigayon ug briefing sa mga miyembro sa Dumaguete media bag-ohay lang mahitungod sa ilang mga nag-unang programa pagtabang sa mga kabus nga hut-ong sa katilingban.

Ubos sa gitawag ug convergence strategy, ang DSWD mi implementar sa tulo ka nag-unang programa nga: Pantawid Pamilya Pilipino Program (4Ps), Kapit Bisig Laban sa Kahirapan-Comprehensive and Integrated Delivery of Social Services-National Community-Driven Development Program (KALAHI-CIDSS-NCDDP) ug ang Sustainable Livelihood Program.

Si DSWD-7 Planning Officer Anthony Arsenal miingon nga ang convergence strategy hinugpong nga programa ug serbisyo nga motabang sa mga kabus aron mo uswag ang ilang kinabuhi.

Ang 4Ps usa ka cash transfer program sa gobyerno nga mohatag ug hinabang nga kwarta aron maseguro ang edukasyon, maayong pagkaon ug uban nga kinahanglanon alang sa maayong panglawas sa mga bata nga naglangkob sa kinatibuk-ang 4.4 milyon ka pamilya sa tibook nasud.

Ang DSWD anaa na karon sa ika unom nga tuig pag implementar sa programang 4Ps.

Sa laing bahin ang proyekto nga KALAHI-CIDSS gihimo aron tabangan ang mga komunidad pinaagi sa mga proyektong pangkalamboan nga na implementar na sa 334 ka barangays sa 14 ka lungsod sa Negros Oriental.

Si Arsenal namahayag atol sa gihimong briefing nga ang poverty incidence sa probinsya sa Negros Oriental mi rehistro sa 45.3%, buot ipasabot nga adunay gidaghanong 314,659 ka pamilyang ga antos sa ka pobrehon..

Gipahibalo usab ni Arsenal nga ang epekto sa nahitabong linog sa Guihulngan, Negros Oriental sa tuig 2012 nakapadugang sa kalisod nga kahimtang sa mga kabus.

Alang sa mga kabus nga kwalipikado apan wala pa na miyembro, ang DSWD mohimo karong tuiga ug laing survey aron ma update ang ilang database nga listahan sa mga pamilyang kabus dinhi sa probinsya.

Namahayag si Arsenal nga ang convergence strategy sa DSWD gi implementar aron matabangan ang mga kabus nga mahaw-as sa tumang kalisod ug matudlo-an sila ug mga pamaagi nga mo asenso ang ilang panginabuhi. (mbcn/lpp/PIA-7/Negros Oriental/This article was originally published at PIA website on Feb. 24, 2015)

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s