Cebuano News: Dakbayan sa Dgte mogahin ug P840T alang sa urban greening

DUMAGUETE CITY (PIA) – Pinaagi sa Urban Forestry Management and Development (UFMD) ang kagamhanan sa dakbayan sa Dumaguete mo implementar karong tuiga sa urban greening program nga gi pondohan sa kantidad nga P840,000.

Ipatuman sa UFMD inabagan sa Department of Environment and Natural Resources (DENR) ang city-wide urban greening project tumong nga makab-ot ang green economy alang sa dakbayan sa Dumaguete.

Ang kagamhanaang lokal mogahin ug 40 porsyento (240,000) ug laing 60 porsyento (600,000)  gikan sa DENR aron ma implementar ang urban greening program.

Namahayag ang opisyal sa Environment and Natural Resources Office (ENRO), Arestio Encabo, gitinguha karon sa lokal nga kagamhanan nga mapalapdan ug dugang 56% ang forest cover sa dakbayan aron sa ngadto makab-ot niini ang green economy ug social stability.

Dugang ni Encabo nga base sa City Ordinance No. 20 ug 81 series of 2002 ang ENRO gitahasan pag implementar sa programa sa UFMD.

Ang dakbayan may gi andam usab nga pondo alang sa pagpanalipod sa kalikopan gikan sa dautang epekto sa global warming ilabi na ang tinubdan sa limpyo nga tubig gikan sa mga acquifers nga nag suplay sa panginahanglanon sa mga katawhan sa Dumaguete matud ni Encabo.

Sa na sinati na nga dautang epekto sa global warming ug climate change sa tibook kalibutan, ang dakbayan mopunla ug motanum ug 2,500 ka kahoy matag tuig isip pagpangandam.

Awhag ni Encabo, tungod sa mga kalamidad nga nagpanghitabo karon, angayan lang nga mag pakabana ang katawhan ug ang mga lokal nga kagamhanan nga ipatuman ang Greening Program sa ilang mga lugar.

Sa tuig 2013 sobra sa 8,000 ka forest trees species ang na tanom sa 32 ka ektaryang luna sa nagka lain-laing lugar sa dakbayan. Nakita nga mi taas ang forest cover ug 2 porsyento gikan sa 28 porsyento sulod sa tulo (3) ka tuig bisan pa man sa pagka hugno sa 30 ka punoang kahoy tungod sa bagyong Pablo.

Namahayag si Encabo nga sa tuig 2014 ang ENRO nang apod-apod ug laing 1,000 ka forest seedlings sa mga grupo ug mga katawhan nga mitanom ug mga kahoy.

Aron mapanghingusgan ang programa sa seedling dispersal ang UFMD mipaambit sa ilang tree growing project ngadto sa mga academic institutions, school campus organizations ug uban pa nga mga grupo.

Tungod niini, gibana-bana nga mikabat na sa 2,000 ka kahoy ang dugang na tanom sa mga barangays sa dakbayan sa Dumaguete . (lpp/PIA-7/NegOr/This article was first published at PIA website on Feb. 18, 2015)

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s