Cebuano news: Palasyo: Reproductive Health Law suportado ang responsible parenthood

By Leandria Pagunsan

PALASYO (PIA) – Namahayag ang Palasyo niadtong adlawng Martes nga ang Reproductive Health (RH) Law nahi-uyon sa pagpalambo sa “responsible parenthood”.

Gitumbok ni Communication Secretary Herminio Coloma Jr. sa gihimong press briefing sa Malakanyang bag-ohay lang nga ang pinaka importanteng aspeto sa RH Law mao ang pag awhag sa katawhan nga mahimong responsableng ginikanan aron malig-on ang tagsa-tagsa ka pamilya ug mahatagan ug maayong kinabuhi ug kaugmaon ang mga anak niini.

Ang pagka responsableng ginikanan ang usa sa mga importanteng pagtulon-an nga gipaambit ni Pope Francis sa katawhang Pilipino sa iyang lima ka adlawng pagbisita sa Pilipnas.

Sa iyang pagbalik sa Roma nag hangyo ang Santo Papa sa mga ma buot nga katawhang Katoliko nga huptan ang pagka responsableng ginikanan ug dili panag-ingnan ang kinaiya sama sa mga “rabbits”

Gitumbok usab sa Santo Papa ang baroganan ug pagtulon-an sa simbahang Katoliko batok sa mga contraceptives ug ipalambo ang pagplano sa pamilya sa natural nga pamaagi.

Nasayran nga ang gobyerno mipasar sa balaodnon sa pag gamit ug mga artificial contraceptives apan gi babagan kini sa simbahan.

Sa gipamulong ni Pope Francis nga natural nga pamaagi pagplano sa pamilya, namahayag usab si secretary Coloma nga ang gobyerno pinaagi sa RH Law ga awhag ug ga suporta sa “responsible parenthood”.

Giingon sa Santo Papa nga importante ang pagpali-on sa kada pamilya nga ga subay sa hustong pamaagi ug kaalam, diin mao usab kini ang tumong sa gobyerno, pasabot ni Coloma.

Matud ni Coloma nga human sa gipaambit ni Pope Francis nga mga pagtulon-an kabahin sa maayong pamilya, gi-awhag sa gobyerno nga maghi-usa ug magtinabangay ang tanang sektor ug mga stakeholders aron malig-on ang pamilya pangulohan sa mga responsbleng ginikanan.

Bisan pa man sa managlahi nga baroganan sa gobyerno ug simbahan mahitungod sa RH Law, importante nga ipatigbabaw ang giingon ug “common good for common action”, matud ni Coloma.

Awhag sa gobyerno sa tanang katawhan nga mag-uyon ug magtinabangay alang sa usa ka tumong nga mapalig-on ang tagsa-tagsa ka pamilya ug aron pinaagi niini magmaayo ang kahimtang sa atong nasud, panapos ni secretary Coloma. (mbcn/lpp/PIA-7/Negros Oriental/This article was originally published at PIA Website on Jan. 21, 2015)

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s