Cebuano news: Manila Bulletin makigtambayayong sa DOLE alang sa labor education

By Leandria Pagunsan

MANILA (PIA) – Ang  national daily newspaper nga Manila Bulletin makigtambayayong sa Department of Labor & Employment (DOLE)  aron mapadangat sa mga katawhang Pilipino ang programang Labor and Employment Education Services kon LEES.

Gipasidunggan ug gipasalamatan ni Labor & Employment Secretary Rosalinda Dimapilis-Baldoz ang suporta sa Manila Bulletin aron mapaambit sa milyong trabahante ug sa nanginahanglan ug trabaho ang mga benepisyong mahatag sa programang LEES.

Himoong pormal ang pakiglambigit sa DOLE ug Manila Bulletin pinaagi sa usa ka memorandum of agreement nga lagdaan karong umalabot Enero 23 sa Labor Governance Learning Center, DOLE Building, Intramuros, Manila, pahibalo ni Bureau of Labor Relations Director Benjo Benavidez.

Ang panaglambigit sa Manila Bulletin ug DOLE gi tu-ohan nga mo palig-on sa mandato sa Bureau of Labor Relations pag edukar ug pagpahibalo sa mga katungod ug responsibilidad sa mga mamumo-o ug sa mga agalon sa ilang obligasyon, ethics value, katakos ug ang pagpaambit sa mga tukmang impormasyon mahitungod sa LEES matud ni Baldoz.

Ubos sa maong kasabutan, ang DOLE pinaagi sa Bureau of Labor Relations mohatag sa mbclassifiedjobs.com website ngadto sa Manila  Bulletin aron ma mantala ang mga impormasyon sa labor market ug ubang mga serbisyo sa DOLE.

Imantala usab ang websites sa ubang ahensya sa gobyerno pinaagi sa MBClassifiedJOBS.com official logo and link.

Ang Manila Bulletin sa ilang bahin mopatugbaw sa programang LEES pinaagi sa Manila Bulletin online; mb.com.ph ug MBClassifed.com.

Ilusad ang maong proyekto pinaagi sa press launch nga himoon sa DOLE ug Manila Bulletin sa Enero 23.

Ang Bureau of Labor Relations mopalig-on sa Education Services’ Information and advocacy campaign pinaagi sa animated videos nga makita sa cyberspace ug sa Online Union Registration System (OURS) diha sa internet-based registration alang sa public sector unions, federations and worker’s associations.

Kini nga programa maghatag ug dugang kahigayonan sa gitawag ug pillars of labor reforms sama sa tripartism ug social dialogue nga mapaambit sa publiko pinaagi sa nagkadaiyang tinubdan sa impormasyon.(mbcn/lpp/PIA-7/Negros Oriental/This article was originally published at PIA website on Jan. 20, 2015)

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s