Cebuano News: NegOr adunay igong suplay sa pagkaon sa tibook tuig 2014

By: Leandria P. Pagunsan

DUMAGUETE CITY (PIA) – Ang probinsya sa Negros Oriental adunay igong suplay sa pagkaon alang sa tuig 2014.

Mipasalig si Provincial Agriculturist Gregorio Paltinca nga walay kakulangon sa suplay nga bugas humay ug mais ug mga salag-on alang sa katawhan sa Negros Oriental.

Pahibalo ni Paltinca nga base sa ilang datus sa tuig 2013 adunay 40% nga suplay sa humay ug 70% nga mais.

Midugang pagpasabot si Paltinca nga ang probinsya moabot na unta ug 60% nga gidaghanon sa humay apan tungod sa kalamidad nga nahitabo naapektuhan ang mga irigasyon sa Bayawan City ug lungsod sa Zamboanguita ug mikubos kini ngadto sa 40%.

Bisan pa man niini si Paltinca mipaslaig nga walay angayang ikabalaka ang mga Negrense tungod kay igo kaayo ang suplay sa panginahanglanong bugas alang sa katawhan sa Negros Oriental.

Miingon si Paltinca nga 50% sa katawhan sa probinsya ang ga kunsumo ug humay ug 44% ang sa mais.

Gawas nga igo ang suplay sa kalan-ong bugas adunay daghang salag-on sama sa kamote, cassava ug saging nga ikahulip sa bugas humay ug mais.

Ga sobra usab ang suplay sa mga utanon ug prutas gani ang uban niini gibaligya sa ubang lugar sama sa Siquijor, Cebu, Zamboanga del Norte, Negros Occidental, Iloilo ug Mindoro.

Gipanglimbasogan karon sa buhatan sa Provincial Agriculturist nga kanunayon ang ilang pag suplay sa ma sustansya ug luwas nga produktong kalan-on pinaagi sa organic farming.

Agi ug suporta sa kagamhanang probinsyal sa programang organic agriculture mibutyag si Paltinca nga mihatag si gobernador Roel Degamo ug kantidad nga 10 milyon sa Provincial Agriculturist aron ipatugbaw ang paggamit sa organic farming sa tibook probinsya.

Tungod sa padayon nga kampanya sa organic farming ang buhatan sa Provincial Agriculturist mohimo ug pagbansay-bansay ug pagtudlo sa mga mag-uuma paghimo ug bio-organic fertilizer, panapos ni Paltinca. (mbcn/lpp/PIA-NegOr/Article first published at PIA website on Aug. 6, 2014)

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s