Cebuano News: LGUs sa NegOr magtigi alang sa 2014 Tambayayong Awards

By: Leandria P. Pagunsan

DUMAGUETE CITY (PIA) — Upat ka lungsod/dakbayan sa Negros Oriental ug ang kaabag niini nga Non-Government Organization (NGO) magtigi pagkab-ot sa 2014 Tambayayong Awards isip best LGU-NGO local partnership.

Kini nga kalamboan gipahibalo ni Msgr. Merlin Logronio, Presidente sa Negros Oriental Newtowk of NGOs (NEGORNET) atol sa gihimo nga pagbukas sa kasaulogan sa Provincial NGO and People’s Organization (PO) week sa dakbayan sa Dumaguete bag-ohay lang.

Ang Bayawan City, Tanjay City, Zamboanguita ug Bindoy ang upat ka LGUs nga mosalmot pagkab-ot sa Timbayayong Awards.

Pasidunggan sa NEGORNET ang mananaog base sa panagtambayayong sa LGU ug PO sa pagpahigayon ug mga proyektong kalamboan sa maong lungsod o dakbayan. Hatagan usab ug gibug-aton ang maayong relasyon sa LGU ug PO sa ilang pag serbisyo sa katawhan.

Ang pre-judging sa Tambayayong Awards himoon karong Agosto 7 ug ang final judging sa Agosto 8 sa Provincial Convention Center.

Sa gihimong pagbukas sa selebrasyon sa NGO-PO week, si Amlan mayor Bentham dela Cruz mipaambit sa kasinatian sa iyang lungsod nga malamposong nakakuha sa 2013 Tambayayong Awards pinaagi sa kaabag niining PO nga Tandayag Fishermen’s Association alang sa proyektong protection and conservation of marine resources sa maong lungsod.

Gipaambit ni mayor Dela Cruz ang tulo ka importanteng aspeto sa pakig tambayayong nga giingon niya ug poverty alleviation, social responsibility ug sustainability.

Dugang ni Dela Cruz nga importante ang tulo ka aspeto aron magmalamposon ang tinguha sa gobyerno pagtabang nga mo uswag ang kahimtang sa katawhan ug komunidad pinaagi sa mga poryekto ug serbisyong gikinahanglan nila.

Ang grand winner sa Tambayayong Awards makadawat ug plaque of appreciation ug project certificate nga mo kantidad ug P200,000.00

Ang first runner up makadawat usab ug project certificate nga P150,000.00 ug ang second runner up P100,000.00. (mbcn/lpp/PIA-7/Negros Oriental/Article first published at PIA website on Aug. 6, 2014)

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s