Cebuano News: NORDAPC padayon nga makigbatok sa pang-abuso sa droga

DUMAGUETE CITY, Pebrero 7 (PIA) — Ang Negros Oriental Drug Abuse Prevention Council (NORDAPC) padayon nga mohimo ug mga kalihokan pag batok sa pang-abuso sa droga dinhi sa Negros Oriental.

Si NORDAPC action officer Fernando Martinez mipaambit sa mga kahimoan sa Provincial Anti-Illegal Drugs Special Operations Task Group (PAIDSOTG) sa gihimo niini nga tigom sa kasamtangan.

Gikan sa Disyembre 29 hangtud sa Enero 28, 2014 nakuha ang mokabat 27.43 ka gramo nga shabu nga nagkatindad ug P326,647.00. Na aresto usab ang 21 ka tawo nga nasakpang gabaligya ug shabu ug ang uban ga gamit niini, sumala pa ni SPO4 Mariel Abiera sa Provincial Anti Illegal Drugs Special Operation Task Group (PAIDSOTG).

Sa laing kalamboan, si Atty.Joanna Utzurrum mitaho nga ang RTC Branch 30 isip Special Drugs Court naka dispatsa ug 8 ka kaso sa ginadili nga droga sulod sa bulan sa Enero 2014.

Unom niini ang nahamtangan ug silot ug ang duha nakalingkawas tungod sa kakulang sa ebidensya. Ang nahisgutang kaso gipaubos sa paglapas sa Article ll sa Republic Act 9167, sections 5 & 11.

Sa lain nga hilisgutan, gituki sa mga miembro sa NORDAPC ang sunod-sunod nga panghitabong pagpamusil-patay dinhi sa dakbayan sa Dumaguete nga gilambigit sa kalihokan sa droga sa mga nabiktima mga bantan-on.

Tungod sa maong panghitabo gitataw ni Martinez nga ipadayon ang mga kampanya sa NORDAPC batok sa pangabuso sa droga nga makadaot ug maka guba sa kinabuhi ug kaugmaon sa mga mo gamit niini.

Ipahigayon ang mga pulong-pulong sa mga tunghaan publiko pinaagi sa pakigkumboya sa DepEd; bisitahon ang mga Municipal Anti Drug Abuse Council (MADAC) aron ma aktibo ang pagpahigayon ug mga kalihokan ug kampanya sa dautang epekto sa droga ilabi na sa mga kabatan-onan. (mbcn/LPagunsan/PIA-7/Negros Oriental)

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s