Cebuano News: GSIS mi tanyag ug H.E.L.P sa mga miyembrong na igo sa bagyong Yolanda

By Leandria Pagunsan

MANILA (PIA) — Ang Presidente ug General Manager sa GSIS, Robert G. Vergara mibutyag nga ang pension fund mo tanyag ug Home Emergency Loan Program (HELP) isip special loan sa kantidad nga P200,000 alang sa pagpa barog ug balik sa naguba nga pinuy-anan sa mga miyembro sa GSIS nga na sakop sa 126 ka mga lugar nga grabeng na igo sa bagyong Yolanda.

Ubos sa programang HELP, ang miyembro mahimong mo aplay ug loan base sa kinatibuk-ang mga tuig sa iyang panrabaho sa gobyerno. Mga miyembro nga nagtrabaho sulod sa 10 ka tuig o sobra, mahimong makahulam sa kantidad nga P200,000. Sa mga miyemebro nga naka trabaho ug 5 hangtud 10 ka tuig, kwalipikado nga mo hulam sa kantidad nga P100,000.

Dugang niini, mga miyembro nga wala pa ka abot ug 5 ka tuig nga panrabaho maka hulam lamang sa kantidad nga P30,000.

Si Vergara mibutyag nga ang HELP gitanyag ubos sa tugon ni Presidente Aquino sa tanang ahensya sa gobyerno nga mopaambit sila ug hinabang pinansyal sa mga biktima sa Yolanda aron maka barog sila pagbalik sa ilang mga pinuy-anan ug aron sila maka padayon sa ilang naandan nga pag panginabuhi ug panrabaho.

Ang GSIS modawat ug mga aplikasyon sugod Enero hangtud Marso 2014 sa bisan asa nga 56 ka mga buhatan ug extension offices sa GSIS tibook nasud. Gikinahanglan ang pagtugot sa agency authorized officer (AAO) sa dili pa aprubahan ang maong hulam.

Kini nga pahulam usa ka beses lamang itanyag sa GSIS ug dili mahimong e renew.

Ubang programang sa GSIS nga gitanyag pagtabang sa mga biktima sa Yolanda mao ang paghatag ug unom ka bulan nga loan moratorium sa mga miyembro ug pensioners niini nga nagpuyo sa mga lugar nga nadaot sa bagyong Yolanda.

Gitanyag usab ang enhanced emergency loan nga gipatas-an hangtud P40,000 alang sa mga miyembro nga aduna pay balanse sa kanhi-ay nilang emergency loan. Alang sa mga wala pa sukad nakahimulos ug loan mahimo nga mo aplay sa pensioners’ emergency loan nga P20,000.

Alang sa dugang mga kasayuran mahimong motawag sa contact center pinaagi sa numero: 847-4747.(mbcn/LPagunsan/PIA-7/Negros Oriental)

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s