Cebuano News: Land distribution sa DAR NegOr 87% nga malamposon

By: Leandria P. Pagunsan

NEGROS ORIENTAL (PIA) — Ang Department of Agrarian Reform Provincial Office (DARPO) mipahibalo nga 87% nga malamposon ang ilang programa sa Land Acquisition and Distribution (LAD).

Adunay kinatibuk-ang106,147 ka ektaryang yuta ang nahatag ngadto sa 71,805 ka Agrarian Reform Beneficiaries (ARBs) sa tibook probinsya sa Negros Oriental.

Sumala pa ni Provincial Agrarian Reform Program Officer, Atty. Louie Naranjo, gikan sa Enero hangtud Oktubre karong tuiga mokabat na sa 319 ka luna sa yuta ang nahatag nila ngadto sa ARBs nga may titulong Certificate of Land Ownership (CLOA).

Ang DARPO padayon nga mo proseso sa dugang pa nga 1,747 ka yuta karong tuiga ug nanghinaut si Naranjo nga ma kumpleto ang pag panghatag sa yuta sa dili pa matapos ang Disyembre 31.

Mipahibalo si Naranjo nga adunay laing 15,000 ka ektaryang yuta ang paningkamotan nga makuha nila aron ipang apod-apod kini sa umalabot tuig 2014.

Napanglantawan nga posibleng mag magahi ang mga tag-iya sa yuta paghatag niini apan miingon si Naranjo nga paningkamotan nila nga ma proseso ang 15,000 ka ektarya aron ma kab-ot ang tumong nga ma hatag kini sa mga ARBs hangtud lamang sa tuig 2016.

Lakip sa ilang programang Sustainable Agribusiness and Rural Enterprise Development Program ang pag pahigayon ug seminar ug symposium sa Sugarcane Farming Technology Trainings didto sa Tanjay City, Mabinay ug Bais City.

Laing programa sa DARPO mao ang Agri-Insurance Program nga mohatag ug insurance policy sa mga ARBs alang sa mga pananom ug buhi nga hayop, gani ubay-ubay na ang naka himulos niini sa Bayawan City human sila maigo sa dakung baha kaniadtong bulan sa Oktubre 2013.

Ang DARPO ang ga bayad sa premuims sa Agri-Insurance apan mahimuslan kini sa mga ARBs panahon sa emerhensya.

Subay niini nanawagan si Naranjo sa tanang ARBs pagpa rehistro sa Agri-Insurance Program.

Motabang usab ang DARPO sa mga mag-uuma nga maka angkon sila ug traktora ug uban pa nga gamit panguma. (mbcn/LPagunsan/PIA7-Negros Oriental)

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s