Cebuano News: DOLE miaghat sa mga kasambahay pagkuha sa TESDA certification

By Leandria Pagunsan

MANILA (PIA)—Mga kasambahay gi awhag pagkuha sa Household Services Training and Certification ubos sa revised Training Regulations on Domestic Work (NC ll) aron mabansay sila sa trabahong domestic services ug aron usab  mahatagan ug kahigayonan nga mo asenso sila sa ilang panrabaho.

Ang Household Service Training and Certification ubos sa Revised Training Regulations on Domestic Work, ang mopamatuod nga kwalipkado ang domestic helper sa trabaho isip kasambahay.  Ang Domestic Work NC ll mohatag ug kasegorohan sa mga agalon sa husto ug dekalidad nga serbisyo. Ang mga kasambahay usab adunay kasegurohan nga mahatagn sila ug proteksyon ug arang arang nga sweldo sa ilang panrabaho.

Ang Technical Education Skills Development Authority (TESDA) mihimo ug mga kausaban sa Training Regulation on Domestic Work adtong Oktubre 1, 2014 aron mahimong sayon alang sa mga kasambahay ang pagkuha sa training, assessment ug certification.

Ang TESDA pinaagi sa mga training centers, mohatag ug Household Services Training and Certification sa kantidad nga P2,000 hangtud 5,000.

Mohatag ug National Certificate ll-level certification ang TESDA sa mga estudyante nga maka pasar sa kurso.  Valid ang maong certification sulod sa 5 ka tuig lamang. (mbcn/lpp//PIA7/Negros Oriental/This article was first published at PIA website on Sept. 18, 2015)